按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
日刚烧过手指，信心会否咁快回复过来？我老曹对7月股市都系闭嘴唔评论好D，何况我老曹对捕捉短期趋势一向唔够敏感，习惯中线投资。罗素二千指数似乎仍陷于泥凼内，6月粉饰橱窗快完，似乎帮助唔大。VIX回落2％，至15。58％。4月开始日本银行抽资，令日经平均指数由4月7日17563点回落至6月13日14070点，日本银行行长福井俊彦受丑闻影响，涉及投资八万七千美元喺一个基金，由村上世彰管理。呢位仁兄本月因涉及内幕交易而被捕，令6月14日起日本银行停止抽资，因有人要求日本银行行长辞职及可能涉及内幕交易，但由于乏人替代，此事可能容后再谈。而福井扬言7月份继续抽资，担心6月14日起日股反弹到此为止。
我老曹相信，短期恒指仍将喺框框内上落，上阻力16000点，下支持15200点。相信联储局唔会有乜出乎意外嘅行动，估计只系加息四分一厘等候进一步数据！周四联储局会否加息半厘？机会只有12％。
通胀分两种。其中一种令物价上升，人人讨厌，上述会令CPI上升，联储局必加息去打击。1971年至今美元购买力平均每年减少5％，贝南奇希望日后美元购买力每年只减少2％，佢有足够能力去做，问题系担心伤及另一通胀，就系投资项目升值，即1990年日本银行行长及1997年7月白眉董无意中伤及，结果令日本及香港中产阶级及中下层社会叫苦连天！以美国人嘅高负债，一旦伤及可能痛死！
虽然美国已脱离金本位三十五年，但每次金价上升，对美元仍构成压力。投资者嘅决定并非嚟自冷静及理性分析，而系基于恐惧、贪念、希望、妒忌、同情、爱与恨及无动于衷；换言之，唔少投资取决于七情六欲而非理性分析。事实上，又有谁真正了解自己揸嘅股票到底系乜？
未来财富嘅获得或失去，取决于企业新系统嘅回应，例如较昂贵嘅能源、较昂贵嘅劳工成本及较昂贵嘅原材料下，谁能获利？即使一间好公司，股价喺抛售下随时可失去15…20％市值而毋须任何理由。
投资者系避唔过高息压力嘅。许多人仍搞唔清何谓“高息”？理论上，高息系指存款利率高于CPI增长率二厘或以上（以雪茄伏嘅睇法）。五厘二五系咪唔算高息？仍有争拗。以核心通胀率3。2％计，依家已踏入高息期；但以CPl计系4。2％，则依家仍未系；换言之，后市仍有加息需要，尤其贝南奇希望未来CPI增长率回落到只有1％至2％之间。一旦进入高息期，股市P/E便回落，实质利率愈高，股市P/E愈低。上述唔系时间指标（timing indicators），但却提供有用展望。
下周开始，股市将炒8月8日系咪再加息。如睇PPI及CPI，相信仍有需要，当然决定权喺联储局度。
地产代理下一个受害者
恒地（012）计划未来五年投资三百亿元喺中国买地，兴建一般人可负担嘅楼房（属细单位），协助政府打击内地楼市炒卖。过去恒基中国早已喺内地投资二百亿元于商业楼宇上，呢次系继恒隆地产（101）之后第四间香港大地产公司宣布进一步投资内地房地产。如今香港楼市发展空间十分有限，政府改为勾地后，令地价劲升；初期楼价亦升，但楼价已渐渐升至一般人无法负担嘅水平，而地价不跌但楼价跌。今天买地起楼已变成做蚀本生意，地产商只有减少买地，同时减少卖楼，令香港建筑业陷入1997年以来最低潮（建筑工人冇工开，搞到要去澳门做黑工，都算悲矣！），下一步将影响地产代理，因唔够生意做要蚀本。地产公司纷纷将资金转投内地买地起楼！
特区政府嘅勾地政策，令2003年9月到去年上半年楼价上升，但当楼花逐渐变成现楼，现实问题系大部分用家买唔起，结果楼花只有蚀让才能出货。去年炒入楼花者，今年水瓜打狗唔见一大橛，形成今年楼市好静（地产商卖咗楼买唔番土地，面粉贵过面包；用家食唔起面包，只有停止楼换楼计划），勾地政策嘅害处逐渐浮现。
去年地产公司纯利大部分来自投资物业重估产生，今年最初打算将D物业组成REITs上市，套现产生利润及套现资金。鹰君（041）组成嘅REIT上市第一天便跌破招股价，吓到其他地产公司唔敢再推出REITs。今年地产公司纯利来源？都几头痛。如今年地产公司纯利唔及去年，明年业绩公布期，股价又有乜反应？依家香港地产股市价低于NAV 23％，较过去平均数低NAU 18％略多。问题系香港楼价已到咗另一高峰，唔似2003年时楼价已陷入低潮，如今年地产股纯利走下坡，现水平市价唔一定守得住。今年写字楼及零售商铺租金仍可温和上升，但售楼利润并唔乐观，因为已无法廉价买地、高价卖楼。喺地价太贵下，买地起楼变成做蚀本生意。
道指2000年1月开始进入熊市，当时P/E二十三点六倍，息率只有一厘四；喺2002年9月完成熊市一期，当时息率只有一厘七二。2002年10月开始出现熊市中最大一次反弹，如无意外，呢次反弹喺今年5月完成，进入熊市二期。
1982年开始嘅美股牛市，系世界上突然之间中国、印度、东欧及前苏联一个接一个加入环球经济体系，为全球提供超过三十亿人生产力，而佢地嘅薪金只及DECD国家十分一或以下，引发外判潮。今天中国已成为全球制造业基地，印度人因为识英文，已成为全球廉价服务后勤基地，嚟自呢方面嘅好处到2000年喺金融市场反映。中国人自2000年利用过去赚返嚟嘅钱大搞基建及固定资产投资，引发全球原材料涨价，去年起中国工资亦大幅上升。美国2001年1月起透过滥发货币制造出嚟嘅复苏引发通胀，当联储局开始关注通胀时，相信今年5月股市反弹潮开始结束，因利率下降而产生嘅房屋泡沫，即使唔爆破亦停止扩大！今年下半年开始美国经济进入增长放缓期，一直到2007年。6月13日嘅股市反弹只系超卖下嘅技术调整，出现指数上升、成交额下降。
股票市场需要领袖，九十年代TMT股系领袖，2002年10月起资源股系领袖，房地产股、银行股系领袖。但今天，股市内搵唔到领袖，资源股、地产股及银行股都面对压力抬唔起头。喺投资市场，希望最唔值钱，如你不忠实地面对自己，便只有输钱。投资唔系游戏，你必须制定计划，按计划行事，一旦达到目的便获利回吐。如你连自己嘅性格都唔了解，或买乜嘢都唔知道，只靠打电话问功课，呢种投资者迟早输钱离场。不要向自己说谎，睇错市便止蚀离场，停留愈久亏损愈大。不要让小错变成大错，不要用“好钱”去支持“坏咗嘅投资”。有怀疑揸现金！不要希望明天会更好，因为明天只系另一个今天。先做好功课，然后决定买卖，错咗便止蚀离场，再计划另一项投资。至于分散投资系必需嘅，但项目最好只系三个，最多五个（除非你有一队人帮你）。普通人好难兼顾五个以上项目，每个项目投资最好唔超过全部资金20％，先卖掉出现亏损者，不应先卖有钱赚者；蚀本应快卖，赚钱便慢慢等。唔好投资负债过重嘅公司，公司负债过重理由有二：一、董事局过分进取；二、董事局睇错市，前者危险，后者更加唔值得投资。如你做唔到上述要求，请改为买基金让别人代劳。
多留意公司边际利润
新上市嘅公司必须营业额急升才系好公司；上市已久嘅旧公司必须有良好纯利纪录及派息政策。如上市已久嘅旧公司纯利仍大幅波动，就唔系好公司。新上市公司营业额唔大幅上升，亦非好嘅增长股。多D留意公司边际利润，一旦边际利润下降，代表该行业进入激烈竞争期或原材料成本上升，唔系好现象。如果系酒店股，留意入住率；如果系航空股。留意载客率；如果系工业股，留意边际利润；如果系金融股，留意净利息收益及股东资金回报率。一旦掌握各行各业嘅窍门，其他方面可一理通百理明。例如零售业应留意同店营业额（即同一间店铺做几多生意）及存货量有有上升，如同店营业额唔升而存货上升，则沽之哉。
金价出现2001年起首次Reversal，即净沽空盘大于净买空盘。第一次出现喺6月6日（净买空五万一千四百三十九张合约，净沽空十八万八百零八张合约），第二次系6月13日（净买空五万一千六百九十九张合约，净沽空十八万六千一百张合约）08月6日金价曾见六百三十四点七美元，6月13日金价一度跌至五百六十六点八美元。边个喺呢个水平进一步沽空？经此一役，黄金已元气大伤，有排牛皮吖。
加拿大第二大银行多伦多银行旗下TD证券公司认为，今时今日应沽出加元买入澳元，因为未来数月澳洲需要加息，而加拿大有咁嘅需要。过去十二个月加国共加息七次，至四厘二五；反之，澳洲只喺今年5月加息，至五厘七五，令澳元兑加元过去一年下跌13％，6月21日见八十一点二六加仙，系2002年2月25日以嚟最低，估计喺三个月内可见八十六加仙，兼有机会赚取息差，所以建议大家沽加元、买澳元。加国央行已担心加元太强，加上失业率跌至3。8％嘅三十二年最低；反之，澳洲央行认为澳元偏低，有加息需要。如美国经济增长放缓。对加国影响大于澳洲。加国出口占GDP38％，其中85％出口到，美国；澳洲出口占GDP 20％，其中6。3％出口到美国。而日本及中国才系澳洲第一及第二大出口国。
6月26日大摩首席经济师罗奇喺上海发表演讲时话，中国喺处理经济过热问题上，同两年前嘅措施几乎一模一样！既然两年前未达理想效果，点解呢次会收效？中国如继续依赖出口，将令美国同欧洲等国家采取保护主义措施；如继续依赖固定资产投资带动经济，产能过剩问题最后将引发内部通缩（日本就系例子）。“十一·五”规划嘅方向正确，但执行不力。外汇政策本来系良好调整机制，但人民币追随美元汇价升降。令此机制失效，同时影响货币政策及利率政策，结果只能产生微调。中国固定资产投资由2000年占GDP30％，升到2005年占GDP 50％以上，令全球天然原材料价格大升，而上述情况系唔可能长期维持。5月份商品价格回落系咪转捩点，仍唔清楚。通常一个新矿需要五至十年时间才发展完成；2000年中国呢方面需求急速增长，令所有矿产都应忖唔嚟，担心未来新矿逐渐投产时，中国对原材料需求增长率放缓。咁又变成供应过剩？
1980年起环球化令生产基地急速转移到中国，引发中国大量投资基建，造成对能源及金属需求压力。如今年下半年经济增长放缓，而且一直伸展到明年，中国经济系咪可以出现软着陆？
大跃进导致北京大风沙
5月起新兴市场股市已改变过去三年嘅方向，5月8日起嘅回落，已令唔少对冲基金有晒今年利润（部分甚至略有损失）。根据Emerging Portfiolio Ferral Research资料，MSCI新兴市场指数由5月8日至6月13日跌幅超过20％，大部分对冲基金减值约25％。摩根大通Emerging Market Bond Index（EMBI）已跌至八个月内低点，即新兴市场公司欲集资便须支忖更高利率（5月份较成熟市场多付一厘七至一厘八，依家要多忖二厘二至二厘三）�